赤柱嘆靚景食窩夫🧇🧇比利時窩夫兼做散水餅窩夫
☀️夏日炎炎，入赤柱去完沙灘玩再去埋美利樓打個咭，上翻去赤柱廣場食翻個冰凍雪糕窩夫降一降溫先！
🧇𝔸𝕡𝕡𝕝𝕖 ℂ𝕚𝕟𝕟𝕒𝕞𝕠𝕟 𝕊𝕦𝕟𝕕
𝕒𝕖 𝕎𝕒𝕗𝕗𝕝𝕖 $➎➋
即叫即製嘅比利時窩夫新鮮熱辣辣仲少少脆身，淋上用蘋果粒同玉桂煮成嘅果醬，甜甜酸酸咁好開胃。再襯埋雲尼拿雪糕球，每啖食落口都係一冷一熱，炎夏食翻個咁消暑嘅甜品，再望住個海望住靚景感受住涼涼海風，精神真係會為之一振㗎！
佢算係赤柱嘅一個landmark，個個去赤柱都會去嗰度打卡，甚至係上上面邊食嘢邊睇赤柱嘅風景，所以我就搵咗間食比利時窩夫甜品嘅小店，佢係喺赤柱廣場嘅4樓，餐廳有少量嘅位置，可以睇到黑板上總會提供Wi-Fi密碼，如果唔想喺餐廳食都可以喺廣場4樓出邊嘅觀景台既室外位置食，嗰度都有一啲枱、櫈、太陽傘提供，可以望到赤柱嘅海景。
今次嚟到估唔到唔算好多人! 咁又係嘅赤柱都係個旅遊區, 冇咗遊客就... 但都好, 唔使同某大國嘅大媽大叔迫!
本身已經喺淺水灣食咗晏, 到赤柱就冇再搵餐廳啦, 但老婆竟然仲想食下甜品...女人果然係有兩個胃! 咁我就梗係奉陪啦!
叫咗呢份全名好長唔記得, 有香蕉有雪糕嘅窩夫, 貪佢最大路~ 雪糕 加埋個熱嘅格仔餅，又凍又熱咁都幾搞鬼，最緊要老婆Ok啦!
其實窩夫同港式格仔餅有咩分別呢? 講真我至愛都係花生醬煉奶~ 仲要多醬~ 嘅格仔餅! 因為係香港嘅味道呀!
食完行下赤柱市集又一day~ 話時話赤柱市集真係要諗諗唔好太依賴旅客...d檔都係賣緊紀念品鎖匙扣咁嘅嘢, 遊客可能都會買啲，但對本地人嚟講真係冇乜吸引力~ 不妨參考下台灣嗰啲文創市集, 賣畀啲年輕人賣下d手工作品, 話唔定有另一番景象啦?
呢間小店都有提供甜品到會同散水平靚正賣，有窩夫棒、冬甩棒、曲奇、蝴蝶酥、貝殼蛋糕等等，個個都有獨立包裝好適合買一大堆，唔同地區買夠一定數量仲可以送貨上門到觀塘散水餅，唔使特登過嚟赤柱買，而且接受急單，仲可以訂製寫上鬼馬的貼紙，打卡度爆燈。
