星期日下午去左赤柱既聖誕市集，真係好多人。行左一陣就諗住搵地方坐下，所以上左赤柱廣場搵下有冇coffee shop可以坐陣。
入到赤柱廣場見到廣告牌指上4樓有waffle食，所以就沿著指示上左去。上到去發現間舖好細間，而門口又好多人，而大部份都係遊客，不過好在佢出面都有好多露天座位。一開始見到 Waffleman 係知道佢有埋散水餅，係今次去赤柱先知原來佢有實體店賣比利時窩夫既。去到赤柱行到攰，就去買件waffle坐低食下嘆下。
買完野食，就搵位坐底左。食物方面，其實除左waffle，仲有雪糕pancake，我揀左玉桂蘋果新地窩夫。其實味道唔錯既，蘋果不乾，配雪糕感覺良好。我諗個waffle不是預先整定，好夠熱！
飲品方面，都有好多選擇，竟然有黑糖珍珠鮮奶，完全估佢唔到。我揀左latte而朋友就揀左黑糖珍珠鮮奶。始終唔係coffee shop，所以我都無expect太多。latte係不淡，而黑糖珍珠鮮奶夠甜，味道當然可以同而家買到周圍既專賣店比較！
呢家小店都有提供甜品到會同|散水禮物 ig，有窩夫棒、冬甩棒、曲奇、蝴蝶酥、貝殼蛋糕等等，個個都有獨立包裝好適合買一大堆，唔同地區買夠一定數量仲可以送貨上門，唔使特登過嚟赤柱買，而且接受急單，仲可以訂製寫上鬼馬散水餅字句的貼紙，打卡度爆燈。
赤柱來計，食物同飲品都唔錯，加上環境好，室外既環境好舒服，感覺好空曠。坐係度飲杯野食個waffle，都係唔錯既選擇。